Wednesday, May 2, 2012

ಪ್ರಶ್ನೆಗಳಿವೆ...

ಧಾವಂತದ ಗಳಿಗೆಗಳು;
ಪೌಡರ್ ಮೆತ್ತಿದ ಮುಖದೊಳಗೆ ಮಾಯದ ಕಲೆಗಳು,
ನೋವ ಅದುಮಿಟ್ಟ ಫೇಕು ಸ್ಮೈಲುಗಳು,
ಒಣ ಉಪಚಾರದ ನಮಸ್ಕಾರಗಳು,
ಗೆಲ್ಲಲಾಗದ ಯುದ್ಧದಲ್ಲಿ ಸೋಲಲಾರದ ಹಟಗಳು,
ಹುಸಿ ಅನುಕಂಪದ ಮಾತುಗಳು,

ಮೌನ ಜಗಳಗಳಲ್ಲಿ ಕಳೆದುಹೋಗುವೆನೆಂಬ ಆತಂಕಗಳು,
ಮರೆತ ಹೆಸರುಗಳು,
ಬದುಕಿನ ಕ್ಯಾನ್ ವಾಸ್ ತುಂಬಾ ಎರಚಿದ ಅಸ್ಪಷ್ಟ ಬಣ್ಣಗಳ ಚಿತ್ತಾರಗಳು;
ಕೊನೆಗೆ,
ದಿನವೂ ಕನ್ನಡಿಯಲ್ಲಿ ಕಾಣುವ ಅದೇ ಹೊಸದಾದ ಅಪರಿಚಿತ ಮುಖಗಳು;
ಮುಖವಾಡಗಳು!