ನೈಟ್ ಶಿಫ್ಟ್ ನ ಅದೇ ಹಳೇ ರಾಗ...

ಕತ್ತಲ ನೀರವ ಮೌನದಲ್ಲಿ,
ಕನಸುಗಳಿಗೆ ರೆಕ್ಕೆ ಬಿಚ್ಚಿ ಹಾರುವ ಸಮಯ;
ಎಲ್ಲೋ ಕೆಲವರ,
ಮುಗಿಯದ ರಾತ್ರಿಯ ಎಣ್ಣೆಯ ದೀಪಗಳು,
ಈಗ ಇನ್ನೇನು ಆರಿ,
ಮನಸು ದೇಹದ ಜೊತೆ ಮರೆತು ಮಲಗೋ ಆಸೆ!
ನಗು,ಅಳು,ಕೋಪ,ದುಃಖ;
ಯಾವುದೂ ಈಗ ಬೇಕಿಲ್ಲ!
ಬರಿಯ ನಿದ್ದೆ, ಮತ್ತು ಅದರ ಬರುವಿಕೆಯ ಕಾತರ!
ಕನಸೊಂದು ಮೂಡುವ ಗಳಿಗೆಯಲ್ಲಿ, ರಿಲೀವರ್ ನ ಕರೆ;
ಯಾವ ಕ್ಷಣ ಏನಾಗುವುದೋ ಎಂಬ ಆತಂಕ ಮತ್ತು ಏನೂ ಆಗುವುದಿಲ್ಲ ಎಂಬ ಭರವಸೆ,
ಇಲ್ಲಿ ರಾತ್ರಿಗಳು ಬೇಗನೆ ಮುಗಿಯುವುದಿಲ್ಲ;
ಏಕೆಂದರೆ ಕತ್ತಲ ದಾರಿ ದೂರ...